काठमाडौं । नेकपा एमालेले यही भदौ ९ गते सचिवालय बैठक बोलाएको छ । एमालेले यसपटकको सचिवालय बैठकले काठमाडौं उपत्यकाबाहिर राखेको हो ।

तत्कालीन नेकपा (माले) को चौथो महाधिवेशन भएको स्थल सिराहाको विष्णुपुरकट्टीमा सचिवालय बैठक बोलाइएको हो ।

बैठकको बेला नै कम्युनिस्ट पार्टी स्थापना भएको ७५ वर्ष पुगेको अवसरमा सोही ठाउँमा स्मारकको पनि शिलान्यास गर्ने कार्यक्रम राखिएको बताइएको छ ।

तत्कालीन मालेको चौथो महाधिवेशन विसं २०४६ भदौ ९ देखि १४ गतेसम्म विष्णुपुरकट्टीमा भएको थियो । सोही महाधिवेशनमा महासचिवमा मदन भण्डारी निर्वाचित भएका थिए ।