काठमाडौं । प्रस्तावित प्रधानन्यायाधीश विश्वम्भरप्रसाद श्रेष्ठलाई संसदीय सुनुवाइ समितिले आज छलफलका लागि बोलाएको छ ।

संसदीय सुनुवाइ समितिले उनलाई आज बिहान साढे ११ बजेका लागि बोलाएको हो । समितिले आजै श्रेष्ठविरुद्ध उजुरी दिएका उजुरीकर्तासँग पनि छलफल गर्दैछ ।

उजुरीकर्तासँग बिहान साढे १० बजे र प्रस्तावित प्रधानन्यायाधीश श्रेष्ठसँग साढे ११ बजे छलफल गर्ने समय तोकिएको छ । श्रेष्ठविरुद्ध इमेलबाट तीनवटा उजुरी परेका छन् ।

गएको साउन २४ गते समितिले उनीविरुद्ध उजुरी आह्वान गरेको थियो ।