मोरङ । विराटनगरको ग्रीनक्रस अस्पतालबाट एक नवजात शिशु गायब पारिएको छ ।

अविवाहित युवतीबाट जन्मिएको शिशु हराएको घटनामा दुईजना पक्राउ परेका छन् ।

एक अविवाहित पुरुष र महिलाबाट गत साउन १४ गते विराटनगरको ग्रिनक्रस हस्पिटलमा एक शिशुको जन्म भएको थियो।  तर त्यहाँबाट शिशु गायव भएपछि प्रहरीले २ जनालाई नियन्त्रणमा लिएको हो।

जिल्ला प्रहरी कार्यालय मोरङका अनुसार अहिले उक्त अस्पतालका डाक्टर तपेश्वरलाल कर्ण र ती शिशुका बाबु भनिएका गोविन्द राईलाई पक्राउ गरेर अनुसन्धान अघि बढाइएको छ।

अस्पतालले नवजात शिशु अविवाहित जोडीकै जिम्मा लगाएको बताएको छ। उनीहरुले भने उक्त शिशु आफूले जिम्मा नलिएको र हस्पिटलले नै गायव पारेको आरोप लगाएका छन्।