रसुवा । प्रहरीले रसुवाको गोसाइकुण्ड गाउँपालिका-५ स्याफ्रुबेँसीबाट २ केजी सुनसहित दुईजना पक्राउ परेका छन् ।

पक्राउ पर्नेमा सिन्धुपाल्चोक भोटेकोसी गाउँपालिका-५ का सुदीप शेर्पा र वडा नम्बर १ का फुरसाङ्गु शेर्पा रहेका छन् ।

उनीहरुलाई प्रहरीले चेक गर्दा टिमुरेबाट हिँडेर स्याफ्रुवेशी आइरहेका सुदीपलाई बिस्कुटको आकार बनाइएको सुनसहित पक्राउ गरेको थियो ।

सुदीपले सेतो रङको टिसर्टभित्र लगाएको कालो चेस्टगार्डमा सुन राखेर ल्याएका थिए।

सुदीपले सोधपुछका क्रम उक्त सुन फुसाङ्वु शेर्पाले आफूलाई दिएको बताएका थिए। प्रहरीले केही समयपछि फुसाङ्वुलाई पनि पक्राउ गरेको हो।