धादिङ । धादिङको वेनिघाट रोराङ गाउँपालिका -हुग्दी खोलामा बस दुर्घटना हुँदा २६ जना घाइते भएका छन्।

दाङको तुलसीपुरबाट काठमाडौं आउँदै गरेको बागमती प्रदेश-०३-००१ ख २६७५ नम्बरको बस आज बिहान पौने ५ बजे पृथ्वी राजमार्ग अन्तर्गत हुग्दी खोला नजिकै अनियन्त्रित भई दुर्घटना भएको हो ।

बसमा रहेका ३४ यात्रुमध्ये २६ जना घाइते भएका छन्। उनीहरूमध्ये गम्भीर प्रकृतिका चोटपटक लागेका ६ यात्रुहरूलाई उपचारका लागि काठमाडौं पठाइएको छ।

अन्य घाइतेहरूको टिचिङ अस्पताल मलेखु र राजमार्ग अस्पताल मलेखुमा उपचार भइरहेको जिल्ला प्रहरी कार्यालय धादिङले जनाएको छ ।