दाङ । दाङमा जंगली च्याउ खाएर बिरामी परेका आमा९छोरीको मृत्यु भएको छ।

जंगली च्याउ खाएर गम्भीर बिरामी भएका बंगलाचुली गाउँपालिका–४ मैकुटीकी २७ वर्षीया ईश्वरी सुनार र उनकी ११ वर्षीया छोरीको उपचारका क्रममा मुत्यु भएको हो ।

च्याउ खाएर बिरामी परेकी सुनारको राप्ती स्वास्थ्य विज्ञान प्रतिष्ठान घोराहीमा उपचारका क्रममा शुक्रबार मृत्यु भएको जिल्ला प्रहरी कार्यालय दाङले जनाएको छ ।

च्याउ खाएर बिरामी भएका इश्वरीका श्रीमान् अजय सुनारको घोराहीस्थित प्रतिष्ठानमा उपचार जारी छ।

सुनार परिवारले साउन २९ गते बेलुकी स्थानीय भित्ताला जंगलबाट जंगली च्याउ घर ल्याइ खाएका थिए।