काठमाडौं । नेकपा माओवादी केन्द्रले दुई जना केन्द्रीय सदस्य थप गरेको छ ।
केन्द्रीय कार्यालयले गरेको निर्णय अनुसार ओखलढुंगाका बाबुराम गौतम र सप्तरीका अशोक कुमार मण्डल ‘अमर’ केन्द्रीय सदस्य मनोनित भएका हुन् ।
गौतमले कोशी प्रदेश सभामुखबाट राजीनामा दिएसँगै माओवादीले केन्द्रीय सदस्य बनाएको हो । यस्तै मण्डल यादव उनी जनयुद्धकालीन नेता हुन् ।
यससँगै माओवादी केन्द्रीय सदस्य संख्या ४११ पुगेको छ । गत साउन १७ देखि २१ सम्म बसेको केन्द्रीय समिति बैठकमा विधान संशोधनपछि पार्टीले २४ जना केन्द्रीय सदस्य थप गरेको थियो ।