महोत्तरी । घर निर्माणका क्रममा करेन्ट लाग्दा एक जनाको मृत्यु भएको छ ।

सम्सी गाँउपालिका-१ पर्सा बजारमा घर निर्माण गर्ने कार्यमा खटिएका स्थानीय ५५ वर्षीय राजकिशोर यादवको मृत्यु भएको हो ।

सोमबार साँझ सम्सी गाँउपालिका १ पर्सा बजारमा घर निर्माण गर्ने कार्यमा खटिएका कामदारमध्ये ३ जना घाइते भएका थिए।

यादवको जानकी एकेडेमी पर्सामा उपचारको क्रममा मृत्यु भएको हो।

पर्सा बजारमा घर बनाइ रहेका स्थानीय उपेन्द्र यादवको घर ढलान गर्ने क्रममा करेन्ट लागेर घाइते भएका ३ जनामध्ये यादवको उपचारको क्रममा गए राती मृत्यु भएको जिल्ला प्रहरी कार्यालय महोत्तरीले जनाएको छ।

घाइते हुनेमा स्थानीय कामदार ४५ वर्षीय सुरेश खत्वे मण्डल र रामगोपालपुर नगरपालिका ४ का ३४ वर्षीय बिपिन मण्डलको उपचार भइरहेको छ ।

घटनाको सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।