एजेन्सी । लियोनल मेसी इन्टर मियामी पुगेपछि लगातार गोल यात्रा जारी राखेका छन् ।

शनिबार बिहान भएको खेलमा चारलोटे एफसीलाई डिआरभो पिएनके रंगशालामा ४-० ले पराजित गर्दै मियामी पहिलो पटक सेमिफाइनल प्रवेश गर्न सफल भएको हो ।

मेसीप्रेरित खेलमा इन्टर मियामीले लिग्स कप फुटबलको सेमिफाइनलमा स्थान पक्का गरेको छ ।

इन्टर मियामीको जितमा जोसेफ मार्टिनेज, रोबर्ट टेलर र लियोनल मेसीले गोल गरे भने एउटा आत्मघाती गोल भएको थियो । मेसीको यो इन्टर मियामीमा आठौं गोल हो भने टिमको लगातार पाँचौं जितसमेत हो।