सिन्धुपाल्चोक । सिन्धुपाल्चोकको खाडीचौरमा गुडिरहेको बस पसलमा ठोक्किदा ९ यात्रु घाइते भएका छन्।

दोलखाबाट काठमाडौं जाँदै गरेको अरनिको यातायातको बा ४ ख १९३३ नम्बरको बस ब्रेक फेल भएर अनियन्त्रित भई पसलमा ठोक्किएको हो ।

बस ठोक्किँदा दुई वटा पसलमा क्षति पुगेको लामोसाँघु प्रहरी चौकीले जनाएको छ ।

उनीहरूको सदाबहार अस्पताल र खाडीचौरकै मेडिकलमा उपचार भइरहेको छ। घटनाबारे अनुसन्धान भइरहेको प्रहरीले जनाएको छ ।