धादिङ । एक महिलामाथि धारिलो हतियार प्रहार भएको छ।

धादिङको खनियावास गाउँपालिका-४ दार्खाकी ३५ वर्षीया अञ्जु सिंखडामाथि धारिलो हतियार प्रहार भएको हो।

अञ्जुकी छिमेकी ३० वर्षीय सागर पौडेलले उनीमाथि धारिलो हतियार प्रहार गरेका हुन्। पौडेललाई आइतबार नै पक्राउ गरिएको इलाका प्रहरी कार्यालय दार्खाले जनाएको छ ।

युवकले महिलोको हातमा दुइपटक र टाउकोमा एकपटक खुर्पा प्रहार गरेको प्रहरीले जनाएको छ ।  गम्भीर घाइते अन्जुलाई हिजै काठमाडौंस्थित ट्रमा सेन्टर लगिएको छ।

पौडेललाई भाग्दै गरेको अवस्थामा घटनस्थलबाट केही पर पक्राउ गरिएको इलाका प्रहरी कार्यालय दार्खाले जनाएको छ । सामान्य सोधपुछका क्रममा उनले आफूसँग ठूलो स्वरले बोलेको कारण खुर्पाले हानेको बताएका छन्।