काठमाडौं । संवैधानिक परिषद् बैठकले प्रधानन्यायधीशका लागि विश्वम्भरप्रसाद श्रेष्ठको नाम सिफारिस गरेको छ ।

परिषद्को भर्खरै प्रधानमन्त्री कार्यालय सिंहदरबारमा सम्पन्न बैठकले न्यायाधीश श्रेष्ठलाई सिफारिस गरेको हो ।

बैठक पश्चात् जानकारी दिँदै राष्ट्रिय सभा अध्यक्ष गणेश तिमलसिनाले श्रेष्ठको नाम सिफारीस भएको बताए ।

गत असार १ गते नियुक्त प्रधानन्यायाधीश हरिकृष्ण कार्कीको पदावधि यही साउन २० गते सकिँदै छ।