एजेन्सी । उपाधिको बलियो दाबेदार मानिएको ब्राजिल महिला विश्वकप २०२३ को लिग चरणबाटै बाहिरिएको छ ।

समूह चरणको अन्तिम खेलमा जमैकासँग अप्रत्यासित रूपमा बराबरीमा रोकिएपछि ब्राजिलको विश्वकप यात्रा टुंगिएको हो ।

अस्ट्रेलियाको मेलवर्न स्टेडियममा भएको समूह चरणको अन्तिम खेलमा ब्राजिललाई स्पष्ट जितको आवश्यकता थियो । तर, बराबरीले ब्राजिललाई घर पठाउँदा जमैकालाई भने नकआउट चरणमा पुर्यायो ।

जमैका पहिलोपटक महिला विश्वकपको नकआउट चरणमा प्रवेश गरेको हो । समूह ‘एफ’बाट फ्रान्स र जमैका प्रतियोगिताको अन्तिम १६ मा पुगेका छन् । अर्को खेलमा फ्रान्सले पानामालाई ८ गोलको रोमाञ्चक खेलमा ५–३ ले हरायो ।