काठमाडौं । संवैधानिक परिषद्को बैठक कुनै निर्णय नगरी सकिएको छ ।

तर बिहीबार अपराह्न ५ बजे बस्ने परिषद्को बैठकमा संवैधानिक निकायमा रिक्त रहेका पदमा नामबारे छलफल गर्ने सहमति भएको हो ।

आजको बैठकमा कसैको पनि नाममा प्रवेश नगरिएको बताइएको छ । प्रधानन्यायाधीशको नाम सिफारिसका लागि बसेको बैठक नाममा प्रवेश नै नगरी स्थगित भएको हो ।

साउन २० गतेदेखि प्रधानन्यायाधीश पद रिक्त हुँदै छ । उमेर हदका कारण प्रधानन्यायाधीश हरिकृष्ण कार्की अनिवार्य अवकाशमा जाने भएकाले न्यायालय फेरि कायममुकायमले चलाउने अवस्था बनेको छ ।