एजेन्सी । भारतमा रेलवे सुरक्षा बल (आरपीएफ) का जवानले गुडिरहेको रेलमा गोली हानेर चार जनाको हत्या गरेका छन् ।

भारतस्थित महाराष्ट्रको पालघरमा सोमबार जयपुरबाट मुम्बई जाँदै गरेको रेलमा सवार चार जनालाई गोली हानिएको हो ।

गोली लागेर चारै जनाको मृत्यु भएको छ। आरोपितलाई पक्राउ गरिएको रेलवे सुरक्षा बलले जनाएको छ। गोली किन हानियो भन्ने विषयमा समाचारमा खुलाइएको छैन ।

पश्चिम रेलवेका अनुसार पालघर स्टेसन पार गरेपछि एक आरपीएफ जवानले चलिरहेको रेल जयपुर एक्सप्रेसभित्र गोली चलाएका हुन् ।

घटनामा एक आरपीएफ र तीन यात्रुको मृत्यु भएको बताइएको छ ।