काठमाडौं । अदालतको अवहेलना मुद्दामा दोषी ठहर भएका जिल्ला प्रहरी परिसर काठमाडौंका एसएसपी दानबहादुर कार्की र एसपी रमेश बस्नेतले क्षमादान पाएका छन् ।

सर्वोच्च अदालतका न्यायाधीशद्धय ईश्वर खतिवडा र कुमार चुडालको आइतबारको संयुक्त इजलासले उनीहरूलाई क्षमादान दिएको हो ।

अदालतको अपहेलना मुद्दामा दोषी ठहर भएकाले क्षमादानको निवेदन दिएको खण्डमा क्षमादान हुनसक्ने व्यवस्थालाई टेकेर सर्वोच्चले आदेश गरेको छ ।

यसअघि सर्वोच्च अदालतका न्यायाधीश खतिवडा र चुडालकै इजलासले गत फागुन १२ गते उनीहरुलाई अवहेलना मुद्दामा दोषी ठहर गर्दै १५ दिन कैद र ५ हजार रुपैयाँ जरिवानाको फैसला सुनाएको थियो ।

अदालतको आदेश नटेरेको भन्दै जगतमाया श्रेष्ठले सर्वोच्च अदालतमा अदालतको अपहेलनासम्बन्धी रिट दायर गरेकी थिइन् । विविध शीर्षकमा उनीहरु दुई जनाले साउन ४ गते क्षमादानको माग गर्दै सर्वोच्चमा रिट दायर गरेका थिए ।