पाल्पा । सिद्धार्थ राजमार्ग शनिबार रातिदेखि अवरुद्ध भएको छ ।

तानसेन–बुटवल सडकखण्डको तिनाउ गाउँपालिका–३ स्थित सिद्धार्थ राजमार्ग अन्तर्गत सिद्धबाबा नजिकै हेडबक्समा पहिरो खसेर राजमार्ग अवरुद्ध भएको हो ।

जिल्ला प्रहरी कार्यालय पाल्पाका अनुसार गएराति करिब १० बजे खसेको हो । अहिले पनि राजमार्ग पूर्णरूपमा अवरुद्ध छ ।

दुइवटा जेसिबिले पहिरो पन्छाउने काम भइरहेको छ । पहिरो ठूलो खसेको हुँदा कतिबेला सुचारु हुन्छ भन्ने यकिन भएको छैन् ।