काठमाडौं । प्रधानमन्त्री पुष्पकमल दाहाल ‘प्रचण्ड’ले संयुक्त राष्ट्र संघका महासचिव एन्टोनियो गुटेरसलाई नेपाल भ्रमणको निम्तो दिएका छन् ।

संयुक्त राष्ट्रसंघको कार्यक्रममा सहभागी भई इटालीको रोमबाट फर्कने क्रममा प्रधानमन्त्री प्रचण्डले राष्ट्र संघका महासचिव गुटेरसलाई नेपाल भ्रमणको निम्तो दिएका हुन् ।

त्रिभुवन अन्तराष्ट्रिय विमानस्थलमा आयोजित पत्रकार सम्मेलनमा उनले संयुक्त राष्ट्र संघका महासचिव गुटेरससँग विश्व शान्ति स्थापनामा नेपालले पुर्याएको योगदानको बारेमा गहन छलफल भएको भन्दै छिट्टै नेपाल भ्रमणमा आउने बताए ।

प्रधानमन्त्री प्रचण्डले राष्ट्रसंघका महासचिव गुटेरससँग रोममा साइडलाइन भेटवार्ता गरेका थिए ।

सो भेटमा नेपाल–संयुक्त राष्ट्रसंघ सम्बन्ध, विश्वशान्ति स्थापानामा नेपालले पुर्याएको योगदान, जल वायु परिवर्तन, खाद्य सुरक्षा लगायत विषयमा छलफल सकारात्मक छलफल भएको प्रधानमन्त्री प्रचण्डको भनाई छ ।