सप्तरी। सप्तरीको हनुमाननगरमा एक युवकको हत्या भएको छ ।

हनुमाननगर कंकालिनी नगरपालिका-१० इनर्वामा स्थानीय २१ वर्षीय तिर्कनारायण मण्डलको शव आज बिहान घर नजिकै हिलोमा फेला परेको हो ।

हत्या भएका मण्डलका साथी हनुमाननगर कंकालिनी-११ का अजय मण्डल गम्भीर घाइते अवस्थामा भेटिएका छन्।

स्थानीयले आज बिहान ६ बजेतिर शव देखेपछि प्रहरीलाई जानकारी गराएका थिए । तिलाठी कोइलाडी गाउँपालिका-७ मनसापुरस्थित भित्री सडक किनाराको नहरमा मण्डल मृत फेला परेका हुन्।

शवको प्रकृति हेर्दा उनीमाथि धारिलो हतियार प्रहार गरी हत्या भएको जिल्ला प्रहरी कार्यालय सप्तरीले जनाएको छ ।