दाङ । जातीय विभेद मुद्दामा पक्राउ परेका घोराही उपमहानगरपालिका–१७ का ६८ वर्षीय ताराप्रसाद पोखरेल धरौटी बुझाएर तारेखमा छुटेका छन् ।

जिल्ला अदालत दाङले ताराप्रसादलाई एक लाख धरौटीमा छोड्न आदेश गरेपछि तोकिएको धरौटी बुझाएर उनी छुटेका हुन् ।

जिल्ला प्रहरी कार्यालय दाङका अनुसार अछाम पञ्चदेवल विनायक नगरपालिका वडा नम्बर ७ का २३ वर्षीय महेन्द्र विकसहित उनका परिवारका सदस्यलाई दलित भन्ने थाहा पाएपछि ताराप्रसादले कोठा भाडा दिएको तीन दिनपछि असार १५ गते जबरजस्ती घरबाट निस्कन उर्दी जारी गरेका थिए ।

प्रहरीले असार १६ गते ताराप्रसादलाई नियन्त्रणमा लिएको थियो ।