एजेन्सी । फिफा महिला विश्वकपमा साविक विजेता अमेरिका साविक उपविजेता नेदरल्यान्ड्ससँग बराबरीमा रोकिएको छ ।

न्युजिल्याण्डको स्काई स्टेडियममा आज बिहान भएको खेलमा चार पटकको विश्व विजेता अमेरिकासँग १–१ को बराबरीमा रोकिएको हो ।

पहिलो हाफमा अमेरिका नेदरल्याण्ड्ससँग १–० ले पछाडि परेको थियो। नेदरल्याण्ड्सकी जिल रुड्सले १७औँ मिनेटमा गोल गरेकी थिइन् । दोस्रो हाफको ६२ औँ मिनेटमा अमेरिकी कप्तान लिन्ड्ली होरानले उत्कृष्ट गोल गर्दै खेललाई बराबरीमा ल्याइन् ।

कर्नरबाट आएको बललाई होरानले हेडरमार्फत् गोल गरिन् । अमेरिका ४ अंकसहित तालिकाको शीर्षमा छ भने नेदरल्याण्ड्स समान अंकसहित दोस्रो स्थानमा छन्।