काठमाडौं । नेपालका लागि युरोपियन युनियन (ईयू) का राजदूत नोना डेप्रेजले राष्ट्रिय योजना आयोगका उपाध्यक्ष डा. मीनबहादुर श्रेष्ठसँग बिदाइ भेट गरेकी छिन् ।

कार्यकाल पूरा गरेर फर्किन लागेकी राजदूत नोनाले सोमबार आयोग कार्यालय सिंहदरबार गएर उपाध्यक्ष श्रेष्ठसँग बिदाइ भेटवार्ता गरेकी हुन् ।

उक्त भेटमा आयोग उपाध्यक्ष श्रेष्ठले युरोपियन युनियन मुलुकहरुले नेपालमा गरेको सहयोगका लागि धन्यवाद दिदै नोनाको आगामी कार्यभार सफलताको शुभकामना दिए ।

नेपालमा कार्यकाल पूरा गरेर नोना अफ्रिकी मुलुक लाइबेरियाका लागि ईयू राजदूत भएर जाँदैछिन् ।