काठमाडौं । काठमाडौंको सोह्रखुट्टेमा बसको ठक्करबाट मोटरसाइकल चालकको मृत्यु भएको छ ।

मृत्यु हुनेमा बालुवाटारमा बस्दै आएका नुवाकोटको बेलकोटगढी नगरपालिका–१० का २३ वर्षीय शिवसुन्दर गजुरेल रहेका छन् ।

गम्भिर घाईते भएका गजुरेलको नयाँबजारस्थित पिपुल्स अस्पतालमा उपचारका क्रममा मृत्यु भएको प्रहरीले जनाएको छ ।

आज बिहान करिब सवा ६ बजे बा४ख ७४११ नम्बरको यात्रीवहाक बसले बा६४प ४९३२ नम्बरको मोटरसाइकललाई ठक्कर दिँदा दुर्घटना भएको थियो ।

प्रहरीका अनुसार दुवै सवारीसाधनसहित बस चालकलाई नियन्त्रणमा लिएको छ ।