काठमाडौं । नेपाल–भारत सीमा क्षेत्रमा गोली चलेको छ ।

धनुषाको मुखियापट्टि मुसहरनिया गाउँपालिका–२ स्थित दशगजा पारी शनिबार साँझ साढे ७ बजेको समयमा महिलाको गोली हानी हत्या भएको हो ।

जिल्ला प्रहरी कार्यालय धनुषाका अनुसार अज्ञात व्यक्तिको समूहले ती महिलालाई गोली प्रहार गरी भारततर्फ नै भागेका छन् । ती महिला नेपाली हुन् कि भारतीय भन्ने खुलेको छैन् ।

भारतीय भूमिमा घटना भएकाले भारतीय प्रहरीले लास पोस्टमार्टमका लागि लगेको छ । नेपाल प्रहरी र भारतीय प्रहरीले समन्वय गरी घटनाको अनुसन्धान थालेका छन् ।