काठमाडौं । ललिता निवास जग्गा प्रकरणमा मालपोत कार्यालय डिल्लीबजारका तत्कालीन प्रमुख कलाधर देउजा फेरि पक्राउ परेका छन् ।

नेपाल प्रहरीको केन्द्रीय अनुसन्धान ब्यूरो (सीआईबी_ ले गत असार १२ गते देउजालाई पक्राउ गरेर छाडेको थियो ।

सो दिन पक्राउ परेका तीनसहित १७ जनालाई पक्राउ गर्न मिल्नेगरी सर्वोच्च अदालतले शुक्रबार आदेश दिएसँगै देउजा पक्राउ गरिएको हो ।

उनीहरूलाई पक्राउ नगर्न २०७९ साउन १९ गते न्यायाधीश ईश्वरप्रसाद खतिवडाले दिएको अन्तरिम आदेश शुक्रबार खारेज भएको हो । यसअघि नेपाल प्रहरीको केन्द्रीय अनुसन्धान ब्यूरो सीआईबीले उनलाई नियन्त्रणमा लिएको थियो ।

तर एक वर्षअघि सर्वोच्च अदालतबाट पक्राउ नगर्नु भन्दै पाएको स्टे अर्डर देखाएर उनी छुटेका थिए । उनीविरुद्ध विशेष अदालतमा भ्रष्टाचार मुद्दा पनि दायर भएको छ।