काठमाडौं । हङकङबाट ल्याइएको लगभग एक क्वीन्टल सुन तस्करीमा संलग्न भएको आरोपमा थप दुईजना कार्गो सञ्चालक पक्राउ परेका छन् ।

राजस्व अनुसन्धान विभागको टोलीले बिहीबार साँझ उनीहरूलाई पक्राउ गरेको हो । ट्रान्स ग्लोबल सर्भिसका पुष्कर भट्ट र एलिस ट्रान्स ग्रुपका सञ्चालक राजन श्रेष्ठलाई पक्राउ गरिएको विभागले जनाएको छ ।

यससँगै यो प्रकरणमा पक्राउ पर्नेको संख्या ९ पुगेको छ। यसअघि बिहीबार अपराह्न चिनियाँ नागरिक जेयुङ लिन पक्राउ परेका थिए।

बुधवार साँझ विमानस्थल भन्सार कार्यालय बाहिरबाट करिब १ क्विन्टल सुन बरामद भएको थियो । सुन राष्ट्र बैंकको टक्सार महाशाखामा जोख्न प्रक्रिया थालिएको छ ।