काठमाडौं । गैर आवसीय नेपालीहरुको संस्था (एनआरएनए–एनसीसी)अमेरिकाको महिला उपाध्यक्षमा सुनिता सापकोटा कँडेलले उमेदवारी दिएकी छन् ।

एनआरएनए अमेरिकाकी महिला सचिव रहेकी कँडेले आगामी कार्यकाल २०२३–२०२५ का लागि महिला उपाध्यक्षमा उमेदवारी दिएकी हुन् ।

विगत ९ वर्षयता निरन्तर रूपमा संस्थाको कृयाशिल सदस्यको रुपमा कार्यरल कँडेल हाल महिला सचिव रहेकी छन् । कँडेलले संस्था भित्र रहेका कमि कमजोरीहरुको नजिकबाट अध्ययन गरेको बताएकी छन् ।

संस्थालाईलाई थप उचाईमा पुर्याउन अझै आफ्नो योगदानको जरुरी भएको भन्दै आगामी कार्यकालको लागि महिला उपाध्यक्षमा उमेदवारी दिएको बताईन् ।

कँडेलले एनआरएन एनसीसीकोतर्फबाट महिला उपाध्यक्ष भएमा महिलाहरूमाथि हुने हिंसा न्यूनीकरण गर्न, सुत्केरी तथा बालबालिकाहरूको लागि आवश्यक स्वास्थ्य सेवा र परामर्श सहज बनाउन, महिलाहरूलाई सामाजिक संघ संस्थाहरूमा बढीभन्दा बढि सहभागी हुन उत्प्रेरित गराउन भूमिका निर्वाह गर्ने प्रतिवद्धता गरिन् ।

महिला सक्षमता प्रदर्शन गर्न र महिला पनि नेतृत्वका लागि तयार छन् भन्ने देखाउन पनि आफ्नो उम्मेदवारी रहेको कँडेलले बताईन् ।

संस्थामा महिलाहरुको गौरवपूर्ण सहभागिता र उपस्थितिको खाँचो रहेको उनको भनाई छ । चितवनको भरतपुर स्थायी घर भएकी कँडेल विगत ९ वर्षदेखि अमेरिकामा बस्दै आएकी छन् ।