काठमाडौं । नेपाली कांग्रेस सिरहा जिल्ला समितिको अधिवेशन पुन: गर्नुपर्ने माग गर्दै कांग्रेस केन्द्रीय कार्यालय सानेपामा निवेदन दर्ता भएको छ ।

पार्टी केन्द्रीय समिति बैठक बस्नुअघि मधेश प्रदेशका १२ नेताहरूले मधेश प्रदेश भरिमा सबैभन्दा कमजोर परिणाम सिरहामा आएको भन्दै कांग्रेस केन्द्रीय सदस्यहरूलाई ध्यानाकर्षण पत्र बुझाएका हुन् ।

उनीहरूले जिल्ला सभापति रामचन्द्र यादव अवैधानिक, अव्यवहारिक र नियमावली, निर्देशिका, आचारसंहिताविपीत रुपमा चलेको आरोप लगाउँदै पदमुक्त गरी विधिसम्बत रुपमा अधिवेशन गराउनुपर्ने माग राखेका छन् ।

पार्टी कार्यालयमा ध्यानाकर्षण पत्र बुझाउनेहरुमा पूर्वसांसद अमियकुरमा यादव, गणेश मण्डल, नरेशकुमार यादवलगायत १२ जना रहेका छन् ।