काठमाडौं । टेलिभिजन रियालिटी शो ‘कमेडी क्लब विथ च्याम्पियन्स’ बन्द भएको छ।

शोका निर्देशक तथा होस्ट विशाल भण्डारीले सामाजिक सञ्जालमा एक सन्देश लेख्दै शो तत्कालका लागि बन्द भएको बताएका हुन् ।

सामाजिक सञ्जालमा स्टाटस लेख्दै भण्डारीले ६९ एपिसोडको यात्राले थकित टीमलाई केही समयका लागि ब्रेक लिन आवश्यक देखेको बताएका छन् ।

यो अहिलेको हिट टेलिभिजन कार्यक्रममा पर्छ । टिभी रियालिटी शो कमेडी च्याम्पियनमा प्रतिस्पर्धा गरेका प्रतिभाशाली कमेडीयनहरूलाई लिएर भण्डारीले यो शोको सञ्चालन गर्दै आएका छन् ।

कमेडी क्लब विथ च्याम्पियन्सको १६ महिनाको यात्रा निकै रोमाञ्चक रहेको भण्डारीको भनाइ छ।

काम गर्दै गर्दा सुरुवातको वर्ष नै ‘बेस्ट पपुलर टीभी शो’को अवार्ड जित्न सफल भएको उल्लेख गर्दै भण्डारीले त्यसको श्रेय कलाकार, लेखक, क्रियटिभ टिम र शोको उत्पादक थ्री प्रोडक्स टिम, कि एडभरटाइजिङ, कि एडभर्टाइजिङ र दर्शकको मायालाई जाने बताएका छन्।