चितवन। उपप्रधान तथा गृहमन्त्री नारायणकाजी श्रेष्ठले विभिन्न प्रकरणमा भइरहेका अनुसन्धानमा निर्दोष नफस्ने बताएका छन् ।

शनिबार प्रेस सेन्टरले भरतपुरमा आयोजना गरेको पत्रकार सम्मेलनमा गृहमन्त्री श्रेष्ठले यस्तो बताएका हुन् । गृहमन्त्री श्रेष्ठले दोषीलाई नियन्त्रणमा लिन आफूले निर्देशन दिएको बताए।

गृहमन्त्री श्रेष्ठले विभिन्न प्रकरणमा भइरहेका अनुसन्धानमा कुनै पनि हस्तक्षेप नहुने बताए ।

गृहमन्त्री श्रेष्ठले भने,‘कुनै पनि अनुसन्धानमा प्रहरीलाई सरकारले हस्तक्षेप गरेको छैन र गर्ने पनि छैन । हामीले प्रहरीलाई फलानालाई ल्याउनू, फलानालाई नल्याउनू भनेका छैनौँ । हामी त्यस्तो कुरा गर्दैनौँ । निर्दोष फस्ने र दोषी उम्किने हुँदैन । तपाईँहरू काम गर्नुस् भनेका छौँ । प्रहरीले त्यसैगरी कम गरिरहेको छ ।’

तथ्य र प्रमाणका आधारमा दोषीलाई पक्राउ गरी थप अनुसन्धान गर्ने कार्यमा आफूले कुनै बाधा गृहमन्त्री श्रेष्ठको भनाई छ । तथ्य र प्रमाणका आधारमा कारबाही प्रक्रिया अघि बढेको भन्दै गृहमन्त्री श्रेष्ठले यसमा प्रहरीलाई कुनै दबाब नदिएको बताए ।

गृहमन्त्री श्रेष्ठले कसैले कोही मान्छे पक्राउ परोस् भन्ने चाहेर नभई तथ्य प्रमाणका आधारमा पक्राउ गरिएको भनाई छ । अनुसन्धानका क्रममा ढिलोचाँडो हुनसक्ने बताउनुहुँदै उहाँले कुनै पनि प्रकरणमा अनुसन्धानको काम नरोकिएको जिकिर गरे।