काठमाडौं । विशेष अदालतले भूमिसुधार तथा मालपोत कार्यालय जनकपुरका तत्कालीन निमित्त कार्यालय प्रमुख अधिकृत सुनीलकुमार झालाई एक वर्ष कैद सजाए सुनाएको छ ।

घुस लिएर भ्रष्टाचार गरेको आरोपमा उनलाई विशेषका अध्यक्ष श्रीकान्त पौडेल तथा सदस्य खुसीप्रसाद थारूको इजलासले सजाय सुनाएको हो ।

उनलाई पाँच लाख रुपैयाँ जरिवानासमेत तोकिएको बताइएको छ । उनीमाथि गत वर्ष अख्तियार दुरुपयोग अनुसन्धान आयोगले मुद्दा चलाएको थियो ।

निमित्त कार्यालय प्रमुख रहेका वेला जग्गासम्बन्धी हक सफा मुद्दामा पक्षमा फैसला गरिदिने भनी सेवाग्राहीसँग घुस मागेको खुलेको थियो ।