जनकपुरधाम । नेपालको जनकपुर-जयनगर ब्रोडगेज रेल सेवा आइतबारदेखि थप १७ किलोमिटर क्षेत्रफलमा सञ्चालन हुने भएको छ ।

नेपाल रेल्वे कम्पनीका महाप्रबन्धक निरञ्जन झाका अनुसार जनकपुरधामको कुर्थादेखि महोत्तरीको बिजलपुरासम्म थप १७ किलोमिटरमा रेल सञ्चालन हुन लागेको हो ।

आइतबार रेल सेवाको शुभारम्भ भौतिक पूर्वाधार तथा यातायातमन्त्री प्रकाश ज्वालाले गर्ने छन् ।

भारत सरकारको आर्थिक सहयोगमा निर्माण भएको रेलको १७ किलोमिटर भागको निर्माण सकेको भारतको इरकन कम्पनी लिमिटेडले नेपाल रेल्वे कम्पनीलाई जेठ १८ गते हस्तान्तरण गरेको थियो ।

आइतबार बिहान साढे १० बजे उद्घाटन गर्ने कार्यकम तय भएको छ ।