काठमाडौं । प्रधानमन्त्री पुष्पकमल दाहाल र अमेरिकी सहायक विदेशमन्त्री डोनाल्ड लुबीच भेटवार्ता भएको छ । उनीहरुबीच शुक्रबार अपराह्न बालुवाटारमा भेटवार्ता भएको हो ।

भेटमा उनीहरूबीच एमसीसीका विषयमा छलफल भएको बताइएको छ । मन्त्री लुले एमसीसी कार्यान्वयनको प्रगतिबारे प्रधानमन्त्री दाहालसँग चासो राखेको बुझिएको छ ।

प्रधानमन्त्री दाहालले एमसीसि छिट्टै पूर्ण कार्यान्वयनमा जाने जवाफमा फर्काएका छन् ।

एक दिने भ्रमणका लागि काठमाडौं आएका लुले यसअघि नेपाली कांग्रेसका सभापति शेरबहादुर देउवा, नेकपा एमाले अध्यक्ष केपी शर्मा ओली, परराष्ट्रमन्त्री एनपी साउदलगायतसँग भेटवार्ता गरिसकेका छन् ।