काठमाडौं । अमेरिकी सहायक विदेशमन्त्री डोनाल्ड लूले प्रधानमन्त्री पुष्पकमल दाहाल ‘प्रचण्ड’ पत्नी स्वर्गीय सीता दाहाललाई श्रद्धाञ्जली दिएका छन् ।

शुक्रबार अपराह्न बालुवाटार पुगेर लूले सीताको तस्बिरमा श्रद्धाञ्जली अर्पण गरेका हुन् । सीताको गएको बुधबार निधन भएको थियो ।

दक्षिण तथा मध्य एसिया हेर्ने अमेरिकी सहायक विदेशमन्त्री लू आजैमात्र नेपाल आएका हुन् ।

उनले आजै नेपाली कांग्रेसका सभापति शेरबहादुर देउवा, परराष्ट्रमन्त्री एनपी साउद र नेकपा एमालेका अध्यक्ष केपी शर्मा ओलीसँग भेट गरिसकेका छन् ।