रुपन्देही । रोल्पा रुन्टीगढी गाउँपालिका वडा नम्बर ४ का अध्यक्ष टंकबहादुर पुनको शोकमा गाउँपालिकाले आज एक दिन शोक बिदा दिएको छ ।

३७ वर्षीय पुनको स्क्रब टाइफस कारण बुधवार दिउँसो उपचारका क्रममा निधन भएको हो ।

गाउँपालिकाको कार्यालय, वडा कार्यालय, स्वास्थ्य संस्थाहरू र विद्यालयलाई बिदा दिइएको हो ।

२०७४ साल असार १४ गते भएको स्थानीय तहको निर्वाचनमा नेपाली कांग्रेसबाट वडाध्यक्षमा निर्वाचित भएका थिए ।