काठमाडौं । परराष्ट्रमन्त्री एनपी साउदले सरकार असंलग्न परराष्ट्र नीतिका सम्बन्धमा प्रष्ट र प्रतिबद्ध रहेको बताएका छन् ।

राष्ट्रिय सभामा सांसदहरूले उठाएका प्रश्नमाथि जवाफ दिँदै परराष्ट्रमन्त्री साउदले यस्तो बताएका हुन्।

विदेशमा रहेका नेपालीहरूको हक, हितको सुरक्षा गर्न र आवश्यक सहयोग उपलब्ध गराउन विदेशस्थित नेपाली नियोगहरूको भूमिकालाई थप प्रभावकारी बनाउन परराष्ट्र मन्त्रालय प्रतिबद्ध रहेको उनले बताए ।

उनले सरकार असंलग्न परराष्ट्र नीतिका सम्बन्धमा प्रष्ट र प्रतिबद्ध रहेको बताएका छन् । उनले वर्तमान सरकारले नेपालले अपनाउदै आएको असंलग्न परराष्ट्र नीतिलाई निरन्तर गरेको बताए ।

परराष्ट्रमन्त्री साउदले नेपालले कुनै पनि देशसँग सम्बन्धलाई बिगार्न नचाहेको र त्यस्तो कार्य समेत नगरेको दाबी गरे ।