काठमाडौं । नेकपा (एमाले)ले सचिवालय बैठक डाकेको छ । पछिल्लो राजनीतिक विकासक्रमको समीक्षा गर्न एमालेले यही असार ३० गते सचिवालय बैठक बोलाएको हो ।

बैठक ललितपुर, च्यासलस्थित पार्टी मुख्यालयमा बस्ने छ ।

बैठकमा अहिले भइरहेको राजनीतिक विकासक्रमको समीक्षा, कार्यविभाजनअनुसार कामको मूल्यांकन, पार्टी स्कुल विभाग, पार्टी प्रचार र जनसंगठनको कामको अवस्था र अब पार्टीलाई कसरी लैजाने भन्ने विषयमा छलफल हुने बताइएको छ ।

यसैगरी पार्टी अध्यक्ष केपी शर्मा ओलीले बुधबार पार्टीका उपाध्यक्षसँग पार्टी गतिविधिबारे छलफल गरेका छन् ।