काठमाडौं । छोरीको उत्तरपुस्तिका सच्याउने लोकसेवा आयोगका शाखा अधिकृत मीमबहादुर शाहीलाई ६ महिना कैद सजाय सुनाइएको छ ।

विशेष अदालतका सदस्यत्रय यमुना भट्टराई, शालिग्राम कोइराला र खुसीप्रसाद थारुको इजलासबाट मंगलबार यस्तो फैसला भएको हो ।

झुठा विवरण पेस गरी भ्रष्टाचार गरेको अभियोगमा शाखा अधिकृत शाहीलाई ६ महिना कैद र जरिवाना २० हजार रुपैयाँ जरिवाना तोकिएको छ । अख्तियार दुरुपयोग अनुसन्धान आयोगले ८ वैशाख ०७८ मा शाहीलाई प्रतिवादी बनाउँदै मुद्दा चलाएको थियो ।

शाहीकी छोरी नेपाल वायु सेवा निगमको खुला समावेशीतर्फको परीक्षामा सहभागी थिइन् । छोरीलाई सहायक चौथो पदको परीक्षामा सहभागी गराई उनलाई सफल गराउने नियतले उत्तरपुस्तिका सच्याएको फेला परेको थियो ।