काठमाडौं । मनाङ एअरको हराएको हेलिकप्टर खोज्न अर्को हेलिकप्टर परिचालन गरिएको छ ।

त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाका अनुसार बेपत्ता हेलिकप्टर अहिलेसम्म सम्पर्कमा नआएपछि खोजीका लागि काठमाडौंबाट अल्टिच्युड एयरको हेलिकप्टर पठाइएको हो ।

बिहान १० बजे सोलुखुम्बुको सुर्केबाट काठमाडौंका लागि उडेको मनाङ एयरको हेलिकप्टर सम्पर्कविहीन भएको छ ।

९एनए-एमभी कलसाइन भएको हेलिकप्टर १० बजेर १ मिनेटपछि सम्पर्कविहीन भएको हो । उक्त हेलिकप्टरमा चालक दलका एक नेपाली सदस्य (पाइलट) र ५ जना विदेशी यात्रु गरी ६ जना सवार छन् ।