तनहुँ । जबरर्जस्ती करणी मुद्दाका अभियुक्तलाई जिल्ला अदालत तनहुँले १८ वर्ष छ महिना कैद फैसला सुनाएको छ ।

जिल्ला अदालतका न्यायाधीश कोमलप्रसाद आचार्यको इजलासले आज अभियुक्त व्यास नगरपालिका–१० निवासी यमबहादुर विक विरुद्ध उक्त फैसला सुनाएको हो ।

यही असार १३ गते मुद्दा फैसला भएकोमा आज सजाय निर्धारण भएको जिल्ला अदालतले जनाएको छ ।

अदालतले कुँवरलाई छ लाख जरिवाना र १५ हजार क्षतिपूर्ति बुझाउने समेत फैसला गरेको छ। अभियुक्तले १४ वर्षीया बालिकालाई २०७७ मंसिर १५ र त्यसपछि पटक–पटक बलात्कार गरेको उजुरी परेको थियो ।