काठमाडौं । राष्ट्रियसभा अध्यक्ष गणेशप्रसाद तिमिल्सिनाले चारदिनदेखि संसद् बैठक अवरोध भएको भन्दै समाधान निकाल्न आग्रह गरेका छन् ।

पटक पटक सदन अवरुद्ध हुँदा जनतामा राम्रो सन्देश नजाने भन्दै अध्यक्ष तिमल्सिनाले शीर्ष दलका नेताहरुलाई छलफलमा जुट्न आग्रह गरेका हुन् ।

आइतबारको राष्ट्रियसभा बैठकमा पनि एमालेले अवरोध गरेपछि उनले सत्ता र प्रतिपक्षी दलको ध्यानाकर्षण गराउँदै समाधान निकाल्न भनेका हुन् ।

गत बुधबारदेखि प्रधानमन्त्री पुष्पकमल दाहाल ‘प्रचण्ड’को राजीनामा माग्दै प्रमुख प्रतिपक्षी दल एमालेले संघीय संसदको दुवै सदन अवरुद्ध गर्दै आएको छ ।

आजको बैठकमा एमालेको अवरोधपछि छलफलका लागि निर्धारण गरिएका विनियोजन विधेयक शीर्षकमाथि छलफल गर्न सोमबार ११ बजेट १ मिनेटका लागि अर्को बैठक बोलाइएको छ ।