काठमाडौं । नेकपा (एकीकृत समाजवादी) का उपाध्यक्ष राजेन्द्रप्रसाद पाण्डेले नेकपा एमालेले असंसदीय व्यवहार देखाएको बताएका छन् ।

शनिबार समाजवादी मोर्चाको पहिलो बैठकपछि सञ्चारकर्मीको जिज्ञासाको जवाफ दिने क्रममा उनले यस्तो बताएका हुन् ।

उनले एमालेले स्पष्टीकरणको मौका समेत नदिई प्रधानमन्त्री पुष्पकमल दाहाल ‘प्रचण्ड’को राजीनामा माग गरेर गल्ती गरेको टिप्पणी गरे । सत्ता गठबन्धनले प्रधानमन्त्री प्रचण्डले राजीनामा दिनु नपर्ने निर्णय गरेको उनले स्मरण गराए ।

भारतीय नागरिक प्रितम सिंहबारे दिएको अभिव्यक्तिप्रति आपत्ति जनाउँदै एमालेले प्रधानमन्त्री प्रचण्डको राजीनामा माग्दै संसद् बैठक अवरुद्ध गर्दै आएको छ ।