रुपन्देही । लुम्बिनी प्रदेश सभाको बैठक चलिरहँदा जेनेरेटरमा आगलागी भएपछि बैठक स्थगित भएको छ ।

दोस्रो अधिवेशनको १७औँ बैठकमा मुख्यमन्त्री डिल्लीबहादुर चौधरीले विशेष सम्बोधन गरेपछि प्रमुख विपक्षी दलका प्रमुख सचेतक तुलसीप्रसाद चौधरीले बोल्दै गर्दा लाइन काटिएको थियो ।

सभामुख तुलाराम घर्तीले चौधरीले प्रदेश सभाको जेनेरेटरमा आगो लागेकाले दश मिनेटका लागि सदन रोक्ने सूचना सांसदहरुलाई दिएका थिए ।

जेनरेटरमा आगो लागेर विद्युत् आपूर्ति बन्द भएपछि प्रदेशसभामा अँध्यारो भएको थियो ।