काठमाडौं । गायक तथा कलाकार रोविन तामाङको आकस्मिक निधनबारे प्रहरीले अनुसन्धान थालेको छ ।

बुढानीलकण्ठस्थित आफ्नै घरको कोठामा मृत भेटिएका तामाङको मृत्युबारे प्रहरीले प्रारम्भिक अनुसन्धान थालेको हो ।

शवको प्रकृति र अवस्था हेर्दा आत्महत्याजस्तो नदेखिएको प्रहरी प्रभाग बूढानीलकण्ठका प्रहरी निरीक्षक दिपेन्द्र चन्दले बताए ।

घटनास्थलमा गरेको अनुसन्धानले उनको मृत्यु हृदयाघातका कारण भएको प्रारम्भिक निष्कर्षमा देखिए पनि पोष्टमार्टम रिर्पोट नआई यसै भन्न नसकिने इन्स्पेक्टर चन्दले बताए ।

तामाङकी पत्नीले लगातार श्रीमानलाई फोन गर्दा पनि नउठेपछि प्रहरीमा सूचना आएलगत्तै चन्द नेतृत्वको एक टोली उनको घर पुगेको थियो ।

रोबिनको शव पोष्टमार्टमका लागि टिचिङ अस्पतालमा राखिएको र पोस्टमार्टम रिपोर्ट आएपछि मात्र मृत्युको कारणबारे केही बताउन सकिने इन्स्पेक्टर चन्दले बताए ।