अर्घाखाँची । अर्घाखाँचीको पणेनामा पहिरोले घर पुरिएर ४ जना बालबालिका घाइते भएका छन् ।

घरमाथिबाट खसेको पहिरोमा च्यापिएर ३ जना बालबालिका अचेत अवस्थामा रहेका छन् ।

उनीहरूलाई उपचारका लागि पोखराथोक स्वास्थ्य चौकीमा पठाइएको अर्घाखाँची प्रहरीले जनाएको छ । पहिरोले आधा घर पुरिएपछि प्रहरीले स्थानीयको सहयोगमा उनीहरूलाई उद्धार गरेको थियो ।

गम्भीर घाइते हुनेमा १२ वर्षीय खुम बहादुर रास्कोटी, १० वर्षीय धन बहादुर रास्कोटी र ११ वर्षीय अन्जु रास्कोटी छन् । १४ वर्षीय सचिन रास्कोटीको अवस्था सामान्य छ । सचितको टाउको र मुखमा चोट लागेको छ ।