काठमाडौं । आईसीसी विश्वकप क्रिकेट छनोटको प्लेअफको फाइनलमा आज नेपाल र आयरल्याण्ड भिड्दै छन् ।

सातौ स्थानका लागि हुन लागेको खेल जिम्बाबेको हरारे स्पोर्ट्स स्टेडियममा दिउँसो पौने १ बजे सुरु हुनेछ ।

यस खेलको विजेताले सातौं स्थान हासिल गर्ने छ भने पराजित टोली विश्वकप क्वालिफायरको आठौ हुने छ ।

नेपालले प्लेअफको सेमिफाइनलमा युएईलाई पराजित गर्दै फाइनलमा पुगेको हो भने आयरल्याण्डले सेमिफाइनलमा अमेरिकालाई पराजित गर्दै फाइनलमा पुगेको थियो ।

नेपालले आफ्नो एकदिवसीय इतिहासमा तेस्रो पटक टेस्ट खेल्ने देशसँग खेल्दैछ । यसअघि नेपालले टेस्ट खेल्ने देश जिम्बाबे र वेस्ट इण्डिजसँग यसै क्वालिफायरमा खेलेको थियो ।