अछाम। परराष्ट्रमन्त्री एनपी साउदले कांग्रेस सभापति शेरबहादुर देउवा योग्यताले नै पाँच–पाँच पटक प्रधानमन्त्री भएको बताएका छन् ।

कांग्रेस अछामद्वारा चौरपाटीमा आयोजित स्वागत तथा सम्मान कार्यक्रममा बोल्दै परराष्ट्रमन्त्री साउदले यस्तो बताएका हुन् ।

परराष्ट्रमन्त्री साउदले पार्टी सभापति देउवा योग्यताकै कारण ५ पटक मुलुकको प्रधानमन्त्री बनिसकेको बताए ।

परराष्ट्रमन्त्री साउदले भने, ‘देउवा भाग्यले प्रधानमन्त्री हुनुभएको होइन। चिठ्ठा परेर कोही ५ पटकसम्म प्रधानमन्त्री हुन्छ तरु शेरबहादुर देउवा योग्यताकै कारण प्रधानमन्त्री बन्नुभएको हो।’

पाँच– पाँच पटक कुनै पनि माान्छेलाई लट्री नपर्ने परराष्ट्रमन्त्री साउदको भनाइ छ । नेतामा योग्यता, पार्टीको विचार र चिन्तनले देउवा पाँच पटक प्रधानमन्त्री भएको उनले बताए ।

पार्टी पद्दतिमा विश्वास नगर्नेले देश सञ्चलन गर्न नसक्ने साउदको दाबी छ । त्यही भएर नयाँ पार्टीहरु लगातार विवादमा परिराखेको उनले बताए । यस्तै वामपन्थीको चिन्तन उत्पादन नबढाइ वितरणमात्र बढाउने भएको मन्त्री साउदले बताए ।