काठमाडौं । उपप्रधानमन्त्री एवं रक्षामन्त्री पूर्णबहादुर खड्काले एक महिनाभित्र नियमावली बनाएर गैरआवासीय नेपाली (एनआरएनए)लाई नागरिकता वितरण गर्ने बताएका छन् ।

शुक्रबार एक कार्यक्रममा बोल्दै रक्षामन्त्री खड्काले एक महिनाभित्र नियमावली बनाएर एनआरएनएलाई नागरिकता वितरण प्रकिया सुरू गर्ने घोषणा गरेका हुन्।

रक्षामन्त्री खड्काले भने, ‘एक महिना भित्र नियमावली बनाएर एनआरएनए नागरिकता वितरण सुरु गरिसक्छौँ । एनआरएनलाई सहज हुने गरि परिवर्तन गर्नु पर्ने नियम कानुन परिवर्तन गरिन्छ । गर्नुपर्ने काम रोकिँदैन ।’

उपप्रधानमन्त्री खड्काले एनआरएनएको सबै माग सम्बोधन गर्न सरकार तयार रहेको पनि बताए ।