गोरखा । गोरखा नगरपालिका–७ सतिपिपलबाट ५४ किलोको टल्कने ढुङ्गा प्रहरीले बरामद गरेको छ ।

गरगहना बनाउन प्रयोग हुने महँगो धातु अवैध रुपमा किनबेच हुन लागेको सूचना पाएपछि प्रहरीले सतिपिपलस्थित एक घरबाट ५४ किलोको क्वार्ज क्रिष्टल बरामद गरेको हो ।

बिहीबार बिहान प्रहरी निरीक्षक रवीन्द्र अधिकारी नेतृत्वको टोली सो घरमा पुगेर उक्त ढुंगा बरामद गरेको जिल्ला प्रहरी कार्यालय गोरखाले जनाएको छ । प्रारम्भिक अनुसन्धानबाट उक्त ढुंगा क्वार्ज क्रिष्टल भन्ने खुल्न आएको र थप परीक्षणको तयारी भइरहेको गोरखा प्रहरीको भनाई छ ।

परीक्षणका लागि सबैभन्दा पहिले पुरातत्व विभाग पठाइनेछ । परीक्षणको नतिजा अनुसार थप अनुसन्धान अघि बढाउने गोरखा प्रहरीले जनाएको छ ।