काठमाडौं । आईसीसी विश्वकपको ग्लोबल छनोटअन्तर्गत सुपर सिक्समा जिम्बाब्वेसँग ओमान १४ रनले पराजित भएको छ ।

बुलावायोस्थित क्विन्स स्पोर्ट्स क्लबमा टस हारेर ब्याटिङ थालेको जिम्बाब्वेले सात विकेट गुमाएर तीन सय ३२ रनको योगफल तयार गरेको थियो ।

जवाफी ब्याटिङमा उत्रिएको ओमानले ९ विकेट गुमाएर तीन सय १८ रन मात्रै बनाउन सक्यो ।

छनोटको सुपर सिक्समा जिम्बाब्वे र ओमानसँगै वेस्ट इन्डिज, श्रीलंका, स्कटल्यान्ड र नेदरल्यान्ड छन् । सुपर सिक्सबाट शीर्ष दुई टिमले यसै वर्ष भारतमा हुने एकदिवसीय विश्वकपमा स्थान बनाउने छन् ।